პროექტის შეფასება

პროექტის რეფლექსია:

პროექტის სახელწოდება: ,, ჩვენ ვიყენებთ პოლიეთილენის ნარჩენებს“

პროექტის განხორციელების პერიოდი:  2016წლის   მარტი-აპრილი.

პროექტის განხორციელების  ადგილი:  ლაშის საჯარო სკოლა

პროექტის მონაწილენი:  ვინაიდან  ჩვენი სკოლა არის მცირეკონტიგენტიანი ,ასაკი იყო  შეუზღუდავი.

განხორციელებული ღონისძიებები:

   სამუშაოს დაწყებისას შევთანხმდით პროექტის მიზანზე ,აქტივობებზე,სავარაუდო შედეგებზე, შეფასების კრიტერიუმებზე.

მოსწავლეებს შორის მოხდა სამუშაოს გადანაწილება.

მოსწავლეებმა შეაგროვეს  პლასტიკური ბოთლები.

საკუთარი ხარჯებით შევიძინეთ საღებავები, სხვადასხვა ფერად შევღებეთ ბოთლები,რითაც  სკოლის ეზოში ყვავილნარი შემოვღობეთ.

დავასუფთავეთ სკოლის  ეზო, გავწმინდეთ  მავნე ნარჩენებისგან.

დავამზადეთ სამახსოვრო პოლიეთილენის  მავნებლობის შესახებ, რომელიც დარიგდა მოსახლეობაში.

გადავიღეთ სურათები  ჩვენი რაიონის დაბინძურებულ ადგილებზე.

გამოვუშვით კედლის გაზეთი ,,გავუფრთხილდეთ გარემოს" .

          

         დასკვნა:

პროექტზე  მუშაობა  მნიშვნელოვანი იყო ჩემთვის და ჩემი  მოსწავლეებისთვისაც. ყველა აქტივობა გამომდინარეობდა  მიზნიდან. მოსწავლეებს  განუვითარდათ დამოუკიდებლად აზროვნებისა და ანალიზის უნარი.ინფორმაციის მოძიების და დახარისხების პერიოდში ეხმარებოდნენ ერთმანეთს,ანგარიშს უწევდნენ ერთმანეთის აზრს.

ძალიან მოსწონდათ  არაფორმალურ გარემოში განხორციელებული აქტივობები.

განუვითარდათ გუნდური მუშაობის უნარჩვევები.საჭიროების შემთხვევაში  შეძლეს საზოგადოების  ჩართვა გარემოსდაცვით ღონისძიებებში.

ტექნოლოგიების გამოყენებით მათმა შექმნეს აუდიო- ფოტო პროდუქტები.

პროექტზე მუშაობამ კიდევ ერთხელ გვიჩვენა, რომ მოსწავლეებში განსხვავებული აქტივობის დაგეგმვა და განხორციელება სწავლების პროცესის აუცილებელი პირობაა.. ისინი ხალისით ასრულებენ დავალებას.

          ამ პროექტით გვინდოდა მოსწავლეებისთვის და მოსახლეობისთვის მიგვეწოდებინა ამომწურავი ინფორმაცია  პოლიეთილენის წვის შედეგად  წარმოქმნილი აირის მავნებლობის შესახებ. პლასტიკური ბოთლები და პოლიეთილენის პარკები არ დაწვან და მოათავსონ  სპეციალურ ურნებში..   ჩემი  მიზანი   იყო მოსწავლეებს და მოსახლეობას გაეთვითცნობიერებიათ ,რომ გარემოზე ზრუნვა თითეული ჩვენგანის მოვალეობაა.ადამიანი ბუნების ნაწილია და ბუნების განადგურებით საკუთარ თავს ვანადგურებთ.

     მოსწავლეებმა  შეავსეს  თვითშეფასების კითხვარი. შეაფასეს თავიანთი მუშაობა პროექტის მიმდინარეობის განმავლობაში. აგრეთვე თავიანთი შთაბეჭდილებებიც გაუზიარეს ერთმანეთს.
     არ შეგვქმნია არანაირი დაბრკოლება პროექტის მიმდინარეობის პროცესში,მოსწავლეები ხალისით ასრულებდნენ მათზე დაკისრებულ დავალებას.

პროექტის დასასრულს შევაჯამეთ ჩვენი მუშაობა.შევავსეთ  შეფასების რუბრიკა

პროექტის აქტივობები შესაბამისობაში მოდიოდა მიზანთან	კარგი	საშუალო	ცუდი
გათვალისწინებული დრო შესაბამისობაში მოდიოდა პროექტის მოთხოვნებთან.	კარგი	საშუალო	ცუდი
ბავშვები აქტიურად იყვნენ ჩართულნი პროექტის მსვლელობაში	კარგი	საშუალო	ცუდი
ფუნქციები სწორად იყო გადანაწილებული	კარგი	საშუალო	ცუდი
საორგანიზაციო მხარე მოგვარდა განსაზღვრულ ვადებში და პრობლემა არ შეუქმნია პროექტის განხორციელების პროცესში	კარგი	საშუალო	ცუდი
მოსწავლეებმა განსაზღვრულ დროში  მოიძიეს  პოლიეთილენის ბოთლები	კარგი	საშუალო	ცუდი